სიახლეების გამოწერა

მიმდინარე წლის 9 ნოემბერს „ექსპო ჯორჯიას“ მეთერთმეტე პავილონში „თბილისის წიგნის დღეები 2017’’ გამომცემლობა „წიგნი+ერმა“ მოაწყო ახალი წიგნების: ჯუმბერ კოპალიანის „დმანისის ნაქალაქარი“ და მიხეილ კეკელიძის „ბრწყინვალე ვარსკვლავის მაძიებელნი“ (ახალი რედაქტირება) პრეზენტაციები.

„დმანისის ნაქალაქარის“ პრეზენტაცია გააკეთა ავტორმა ჯუმბერ კოპალიანმა, ხოლო „ბრწყინვალე ვარსკვლავის მაძიებელნი“- დამსწრე საზოგადოებას წარუდგინა ა(აიპ) ,,დმანისის საბიბლიოთეკო სამსახურის უფროსმა თინათინ თეთრაძემ და დმანისის მერიის განათლების, კულტურის, სპორტისა და ახალგაზრდობის სამსახურის უფროსმა ეკატერინე ოქრიაშვილმა.

მიმდინარე წლის 14 ნოემბერს ტოლერანტობის საერთაშორისო დღისადმი მიძღვნილი კვირეულის ფარგლებში, ააიპ „დმანისის კულტურისა და ხელოვნების ცენტრის“ ფოიეში მოეწყო ხატვისა და ხალხური რეწვის სხვადასხვა ეროვნების ბავშვთა ნამუშევრების გამოფენა.

ღონისძიებაში მონაწილეობდნენ ქალთა ფოლკლორული ანსამბლი „ირინოლა" და ინტერნაციონალური ანსამბლი ,,დმანისური აისი”. ქართველი და ეთნიკური უმცირესობის წარმომადგენლებმა წაიკითეს ლექსები.

მიმდინარე წლის 13 ნოემბერს დმანისის მუნიციპალიტეტის საკონფერენციო დარბაზში სამუშაო შეხვედრა გაიმართა. დმანისის მაჟორიტარმა დეპუტატმა კახაბერ ოქრიაშვილმა დმანისის მუნიციპალიტეტის ახლადარჩეული მერი გიორგი ტატუაშვილი გამგეობის და ა(ა)იპ სამსახურის ხელმძღვანელებს წარუდგინა.

,,გიორგის მინდა მივულოცო ადგილობრივ თვითმმართველობის არჩევნებში გამარჯვება და ვუსურვო წარმატებები. 
გიორგი არის კვალიფიციური, გამოცდილი იურისტი, კარგად აღზრდილი ახალგაზრდა, კარგი ოჯახიშვილი, ღირსეული დმანისელი.
მე ვიცი მისი შესაძლებლობები და დარწმუნებული ვარ, რომ გიორგი იქნება კარგი მმართველი, ის ახალი შემართებით განავითარებს დმანისს" - განაცხადა დმანისის მაჟორიტარმა დეპუტატმა კახაბერ ოქრიაშვილმა.

მიმდინარე წლის 10 ნოემბერს, ა(აიპ) დმანისის კულტურისა და ხელოვნების ცენტრის დარბაზში ილია ჭავჭავაძის 180 წლის იუბილისადმი მიძღვნილი სპექტაკლი ,,საუკუნის მკვლელობა" გაიმართა.

სპექტაკლი მომზადდა საქართველოს კულტურისა და ძეგლთა დაცვის სამინისტროს მხარდაჭერით, რომელშიც მონაწილეობდნენ: გიორგი იარაჯული, თეკა კოხრეიძე, ასმათ ქურციკიძე, ქეთევან შერვაშიძე, გიორგი სავანელი, ლაშა ჩხვიმიანი, ვაკო კობერიძე, თორნიკე ჩიხლაძე, თამარა ადამია, ნინა ჯაოშვილი, ვატო ზოიძე.

ქვემო ქართლის რეგიონში, მდინარე ხრამის ხეობაში, კერძოდ, ბოლნისის, დმანისის და თეთრიწყაროს მუნიციპალიტეტების ტერიტორიაზე, იგეგმება ორ-საფეხურიანი ჰესების კასკადის მშენებლობა და ექსპლუატაცია. აღნიშნულ თემასთან დაკავშირებით, დღეს შპს ,,ხრამის კასკადმა" დმანისის მუნიციპალიტეტში გარემოზე ზემოქმედების შეფასების საბოლოო საჯარო განხილვა გამართა, სადაც დაინტერესებულმა საზოგადოებამ სრული ინფორმაცია მიიღო პროექტის შესახებ და საშუალება მიეცათ დაეფიქსირებინათ თავისი შენიშვნები.

დმანისის მუნიციპალიტეტის საჯარო სკოლებს შორის სასკოლო სპორტული ოლიმპიადის ეგიდით შეჯიბრი მაგიდის ჩოგბურთში ჩატარდა.
აღნიშნულ შეჯიბრში მონაწილეობა მიიღო ათმა გუნდმა.
სადაც გამოვლინდნენ გამარჯვებულები: ინდივიდუალურ შეჯიბრში გოგონებს შორის გამარჯვება მოიპოვა სოფელ აზკაკლიანის საჯარო სკოლის მოსწავლემ აიგიზილ ალიევამ, ხოლო მეორე ადგილი ქალაქ დმანისის N3 საჯარო სკოლის მოსწავლემ ნანო არჩემაშვილმა დაიკავა.

25-29 ოქტომბერს კიევში გაიმართა უკრაინის ღია პირველობა ,,კიკბოქსინგში'', სადაც დმანისის შერეული ორთაბრძოლების კლუბი ,,არწივი" იყო მიწვეული.

კლუბი ,,არწივი"-ს დამფუძნებლის და გუნდის მწვრთნელის-ლერი ავალიშვილის ინფორმაციით აღნიშნულ ტურნირზე ლაშა მუსხელიშვილმა მიიღო მონაწილეობა, რომელმაც ჩაატარა ექვსი ბრძოლა, მიაღწია ფინალამდე და ფილალში დამარცხდა, დასჯერდა მეორე ადგილს.

მიმდინარე წლის 28 ოქტომბერს დმანისის მუნიციპალიტეტის სოფელ განთიადის მინი სტადიონზე ჩატარდა ფეხბურთის სასკოლო სპორტული ოლიმპიადა.

გოგონებს შორის გამარჯვება მოიპოვა დიდი დმანისის საჯარო სკოლის გუნდმა. 
ვაჟებს შორის კი ქალაქ დმანისის საჯარო სკოლის გუნდმა.

სოფელ მთისძირში მისასვლელი გზის მოასფალტების სამუშაოები დაწყებულია.
პროექტს ახორციელებს შპს ტ.ტ 320092 ლარის ღირებულებით.

დღეს სოფელ სარკინეთში ახალი საბავშვო ბაღი საზეიმოდ გაიხსნა. რეაბილიტირებულ, კეთილმოწყობილ შენობაში ხალხმრავლობა იყო. ბავშვების ჟრიამულმა აახმაურა დარბაზი.

ღონისძიებას ესწრებოდნენ: იღუმენი მამა ხარიტონი; ადგილობრივი ტერიტორიული ერთეულის ხელმძღვანელები და დეპუტატები.

ააიპ ,,დმანისის სკოლამდელი სამსახურმა“ საბავშვო ბაღს სათამაშოები და საკანცელარიო საქონელი გადასცა.

მიმდინარე წლის 8 ოქტომბერს სასკოლო სპორტული ოლიმპიადის ფარგლებში პანტიანის ტბის მიმდებარე ტერიტორიაზე ჩატარდა გეზრბენი (კროსი), რომელშიც მონაწილეობდა მიიღეს დმანისელმა ახალგაზრდებმა (2002,2003,2004 წწ. დბადებულები). ვაჟებში პირველ ადგილზე გავიდა ამამლო, მეორეზე ქ.ოროზმანი, ხოლო მესამე იაღუფლო. გოგონებში პირველზე გავიდა ქ.ოროზმანი, მეორეზე ამამლო და მესამეზე ბოსლები.

აღნიშნული აქტივობა განხორციელდა ,,С'' ჰეპატიტის ელიმინაციის პროგრამის ფარგლებში დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ, დმანისის მუნიციპალიტეტის გამგეობის ჯანმრთელობისა და სოციალური დაცვის სამსახურის და ადგილობრივი საზოგადოებრივი ჯანდაცვის ცენტრის ხელშეწყობით.

2 ოქტომბერს ააიპ დმანისის სათნოების სახლში მოხუცთა საერთაშორისო დღისადმი მიძღვნილი ღონისძიება ჩატარდა.

მოხუცებს ტრადიციად ქცეული დღე დმანისის მუნიციპალიტეტის გამგებელმა გოგი ბარბაქაძემ მიულოცა.

კონცერტის შემდეგ ააიპ დმანისის კულტურისა და ხელოვნების ცენტრისა და თვით ააიპ დმანისის სათნოების სახლისაგან მოხუცებს ტკბილეული და სურსათი გადაეცათ.

24 სექტემბერს ქალაქ ქუთაისში  გაიმართა საქართველოს პირველობა  „კიკ - ბოქსინგში“. აღნიშნულ ტურნირში დმანისის სახელით მონაწილეობა მიიღო  გუნდმა “GOLDEN-GLOVE”(მწვრთნელი ტუჯარ ალიევი). მათ გუნდური პირველობა დაიკავეს და   ოქროს მედლებით  დაჯილდოვდნენ.

დმანისის მუნიციპალიტეტის გამგებელმა გოგი ბარბაქაძემ ჭაბუკ სპორტსმენებს გამარჯვება მიულოცა და მორიგი წარმატებები უსურვა.

16 სექტემბერს რუსთავში ,,რუსთავქალაქობის” სადღესასწაულო ღონისძიებას დმანისის მუნიციპალიტეტი შეუერთდა და კულტურისა და დასვენების ცენტრალურ პარკში საკუთარი კუთხე წარმოადგინა.

წარმოდგენილი იყო ააიპ კულტურისა და ხელოვნების ცენტრის ბავშვთა ,,ხატვისა და ხალხური რეწვის“ ნამუშევრების გამოფენა. ასევე გამოიფინა ხელნაკეთი ნივთები, თიხის ჭურჭელი, თექის ნამუშევრები და ნაქსოვი აქსესუარები.

მიმდინარე წლის 15 სექტემბერს აქციას ,,დავასუფთაოთ საქართველო” დმანისის მუნიციპალიტეტი ტრადიციულად შეუერთდა.
აქციაში ჩაერთვნენ დმანისის მუნიციპალიტეტის ხელმძღვანელი პირები, საკრებულო, გამგეობა და მასში შემავალი ყველა ააიპ სამსახურების თანამშრომლები.

დმანისის მუნიციპალიტეტის - გამგებელი გოგი ბარბაქაძე

,,ვულოცავ ყველა მოსწავლეს, მათ მშობლებს, მთელ საქართველოს სწავლის დაწყების დღეს. მინდა თითოეულ თქვენთაგანს ვუსურვო ახალი ენერგიითა და შემართებით სწავლის გაგრძელება.
ნათელი მომავალი გქონდეთ და გეცხოვროთ ძლიერ ქვეყანაში".

ერთმანეთს შეხვდნენ ქ.დმანისის („ბავარია“) და სოფელ მაშავერას („მაშავერა“), ფეხბურთელთა გუნდები.

თამაში ფრიად საინტერესოდ წარიმართა.  გაიმარჯვა სოფელ მაშავერას „მაშავერამ“

გამარჯვებულ ფეხბურთელთა გუნდს მუნიციპალიტეტის გამგეობისაგან გადაეცა თასი და ფულადი ჯილდო.

დმანისის მუნიციპალიტეტში მოსახლეობას ,,C'' ჰეპატიტის უფასო სკრინინგ-ტესტირება ჩაუტარდა.

მობილური ლაბორატორია დმანისის მუნიციპალიტეტის სოფელ გომარეთში იყო განთავსებული და ნებისმიერ მოქალაქეს ჰქონდა საშუალება ჩაეტარებინა С ჰეპატიტის უფასო სკრინინგი.

ააიპ დმანისის საზოგადოებრივი ჯანდაცვის ცენტრის ხელმძღვანელის ნინო ონანაშვილის ინფორმაციით, სკრინინგ-ტესტირება ჩაუტარდა 50 მოქალაქეს.