სიახლეების გამოწერა

დმანისის მუნიციპალიტეტის მერი კობა მურადაშვილი შეზღუდული შესაძლებლობების მქონე პირთა საბჭოს წლიურ ანგარიშს გაეცნო.

მუნიციპალიტეტის მერმა, კობა მურადაშვილმა საბჭოს მუშაობის მნიშვნელობას ხაზი გაუსვა და აღნიშნა, რომ მუნიციპალიტეტის ხელმძღვანელობის პრიორიტეტია მოსახლეობის სოციალური მხარდაჭერა გააძლიეროს.

„შეზღუდული შესაძლებლობების მქონე პირთა საბჭო ჩვენი მუნიციპალიტეტისთვის მნიშვნელოვანია. ჩვენი პრიორიტეტია, დმანისის ყველა მცხოვრებმა, თავი თანასწორად, დაცულად და საზოგადოების სრულფასოვან წევრად იგრძნოს. ჩვენი მიზანია, არა მხოლოდ სოციალური მხარდაჭერა გავაძლიეროთ, არამედ ინფრასტრუქტურა, საჯარო სივრცეები, ყველასთვის კომფორტული და ადაპტირებული გავხადოთ“, - განაცხადა კობა მურადაშვილმა.

შეზღუდული შესაძლებლობების მქონე პირთა საბჭოს ანგარიშს დმანისის მუნიციპალიტეტის მერის მოადგილე კახა პეტრიაშვილი და საკრებულოს თავმჯდომარე პაატა ყულიაშვილი ესწრებოდნენ. ანგარიში დმანისის მუნიციპალიტეტის მერიის ჯანმრთელობის, სოციალური და ბავშვთა უფლებების დაცვისა და მხარდაჭერის სამსახურის უფროსმა მეგი ედიბერიძემ წარადგინა.