სიახლეების გამოწერა

მიმდინარე წლის 22 დეკემბერს, მარნეულის მუნიციპალიტეტში პროექტის „სპორტი ჩემს ეზოში“ დახურვის ცერემონია გაიმართა. მხატვრული ნამუშევრების კონკურსის ფინალურ ეტაპზე, რეგიონში მცხოვრებმა ახალგაზრდა შემოქმედებმა თემატური მხატვრული ნამუშევრები წარმოადგინეს. 
ღონისძიებას ქვემო ქართლის გუბერნატორი პაატა ხიზანაშვილი, სამხატვრო აკადემიის მხატვრები, მარნეულის მუნიციპალიტეტის გამგებელი მერაბ თოფჩიშვილი, რესურსცენტრების და კულტურის სფეროს წარმომადგენლები ესწრებოდნენ. 
კონკურსის მონაწილეთა 200 ნამუშევრიდან კომპეტენტურმა ჟიურიმ 33 შეარჩა, მათგან ხუთი (საუკეთესო იდეისა და ნახატის ავტორი) სხვადასხვა ნომინაციაში გამარჯვებულად დასახელდა. 
ნორჩ მხატვრებს გადაეცათ სიგელები და ფასიანი საჩუქრები.