სიახლეების გამოწერა

ქვემო ქართლში სახელმწიფო რწმუნებულმა, შოთა რეხვიაშვილმა და დმანისის მუნიციპალიტეტის მერმა, გიორგი ტატუაშვილმა, სოფელ მთისძირში წყლის სათავე ნაგებობის, შემკრები რეზერვუარისა და მაგისტრალის ხაზის მოწყობის სამუშაოები მოინახულეს.

პროექტის განხორციელების შედეგად, პირველად 4 ათეული წლის შემდეგ, მუნიციპალიტეტის 8 სოფელი - ამამლო, ბაზაქლო, მამიშლო, ვაკე, ზემო ოროზმანი, ქვემო ოროზმანი, დალარი და ჯავახი 24 საათიანი ხარისხიანი წყალმომარაგებით ისარგებლებს.

სამუშაოების ღირებულება 1 068 169 ლარს შეადგენს, რომელიც სრულად ადგილობრივი ბიუჯეტიდან ფინანსდება. პროექტი რეკომენდაციების სრული დაცვით, აქტიურ რეჟიმში მიმდინარეობს და ექსპლუატაციაში მიმდინარე წლის ოქტომბერში შევა.