სიახლეების გამოწერა

მიმდინარე წლის 3 ივნისს გარდაბნის მუნიციპალიტეტის გამგეობაში გაიმართა სამუშაო შეხვედრა, რომელიც ორგანიზებული იყო კონლიქტებისა და მოლაპარაკებების საერთაშორისო კვლევითი ცენტრისა და გარდაბნის მუნიციპალიტეტის მიერ: „ქვემო ქართლი: ქალთა ჩართულობა, ხელშემწყობი ფაქტორები და გამოწვევები“. ღონისძიება განხორციელდა პროგრამის: „ჰორიზონტის გაფართოება, გაუმჯობესებული არჩევანი: ქალთა და გოგონათა ეკონომიკური გაძლიერებისთვის“ ფარგლებში. ორგანიზაცია Mercy Corps-ის პარტნიორობითა და USAID-ის ფინანსური მხარდაჭერით. ღონისძიების ფარგლებში გარდაბნის ახალი მუნიციპალური სერვისი „ქალთა ოთახი“ გახსნა ქვემო ქართლში სახელმწიფო რწმუნებულ-გუბერნატორმა პაატა ხიზანაშვილმა . სამუშაო შეხვედრა გაიმართა ქვემო ქართლის მუნიციპალიტეტების ოფიციალურ პირებთან თემაზე, „რეგიონში ქალთა ჩართულობა და მათ წინაშე არსებული გამოწვევები“. დასასრულს მოეწყო პროექტის, ქვემო ქართლის რეგიონის ბენეფიციარების მიერ ნაწარმოები პროდუქციის გამოფენა/დეგუსტაცია, ასევე სხვა, არამეწარმე ბენეფიციარების გაცნობა. ღონისძიებას ესწრებოდნენ საქართველოს სხვადასხვა სამინისტროს წარმომადგენლები, ადგილობრივი თვითმმართველობის ხელმძღვანელი პირები, ,,ქალთა ოთახის მენეჯერები’’ და ICCN -ის პარტნიორი ორგანიზაციები.