სიახლეების გამოწერა

სოფლის მხარდაჭერის პროგრამა დაიწყო!

დღეს, დმანისის მუნიციპალიტეტის მერი, გიორგი ტატუაშვილი, სოფ: დიდი დმანისის მოსახლეობას შეხვდა

მიმდინარე წლის 16 იანვარს, 12:00 საათზე, ქალაქ რუსთავში, ქვემო ქართლში სახელმწიფო რწმუნებულის ადმინისტრაციაში, 2019 წლის ადგილობრივი და ცენტრალური ბიუჯეტით დასაფინანსებელი ინფრასტრუქტურული პროექტების შესახებ საინფორმაციო შეხვედრა გაიმართება. 
დასწრება თავისუფალია, დაინტერესებულ პირებს გთხოვთ მობრძანდეთ.

მიმდინარე წლის 11 იანვარს, დმანისის მუნიციპალიტეტის მერიის საკონფერენციო დარბაზში, მიმდინარე პროექტების განხილვის მიზნით სამუშაო შეხვედრა გაიმართა.

შეხვედრას ესწრებოდა დმანისის მუნიციპალიტეტის მერი, გიორგი ტატუაშვილი, მერის პირველი მოადგილე ბადრი სუბარი, სივრცითი მოწყობისა და ინფრასტრუქტურის სამსახურის ხელმძღვანელი ლევან მანთაშაშვილი და კონტრაქტორი ორგანიზაციის წარმომადგენლები.

შეხვედრაზე კონტრაქტორ ორგანიზაციებთან (მშენებელთან, პროექტანტთან და ზედამხედველთან) განხილულ იქნა პროექტებში გამოვლენილი პრობლემები და მათი გადაჭრის გზები.

მერის გადაწყვეტილებით, მუნიციპალიტეტში მიმდინარე ინფრასტრუქტურული პროექტების განსახილველად, აღნიშნული შეხვედრა ყოველ პარასკევს, 12:00-საათზე გაიმართება.

"სოფლის მხარდაჭერის პროგრამა“ 2019 წლის 1 იანვრიდან განახლდა. პროგრამით დასაფინანსებელი პროექტების შერჩევა მოხდება მოსახლეობის მიერ და შერჩევის პროცესი 2019 წლის 1 მარტს დასრულდება.

15 იანვრიდან, დმანისის მუნიციპალიტეტში, სოფლის მხარდაჭერის პროგრამის ფარგლებში, დასაფინანსებელი პროექტების შერჩევის მიზნით, ყველა ადმინისტრაციულში, ეტაპობრივად ჩატარდება დასახლებების საერთო კრებები.

იმ შემთხვევაში, თუ სოფელი ვერ მოახერხებს შეთანხმებას დასაფინანსებელ პროექტებზე, პროგრამით გათვალისწინებული თანხა ბრუნდება რეგიონებში განსახორციელებელი პროექტების ფონდში (რეგფონდში) და მოხმარდება ისევ რეგიონის საჭიროებებს.

„სოფლის მხარდაჭერის პროგრამით“ მუნიციპალიტეტებში 5 ათასიდან 10 ათას ლარამდე ღირებულების მცირე ინფრასტრუქტურული პროექტები დაფინანსდება. პროგრამა რეგიონებში განსახორციელებელი პროექტების ფონდის (რეგფონდის) ქვეკომპონენტი იქნება და მისი ოდენობა 20 მილიონი ლარით განისაზღვრება.

პროგრამისთვის პროექტები შეირჩევა უშუალოდ მოსახლეობის გადაწყვეტილებით დასახლებებში გამართულ საერთო კრებების სხდომებზე

პროგრამის ფარგლებში დასაფინანსებელი პროექტები განსაზღვრულია და მათ შორისაა - სასმელი წყლის და სარწყავი სისტემების, სანიაღვრე არხების მოწესრიგება; ნაპირსამაგრი სამუშაოები; გზების და ხიდების მოწესრიგება; გარე განათების, სკოლების მიმდებარე ტერიტორიის, კულტურის ობიექტების, სპორტულ ინფრასტრუქტურის, მოედნებსა და სკვერების მოწყობა და სხვა.

დმანისის მუნიციპალიტეტის დასახლებებში, საქართველოს რეგიონებში განსახორციელებელი პროექტების ფონდიდან, სოფლის მხარდაჭერის პროგრამის ფარგლებში, დასაფინანსებელი პროექტების შერჩევის მიზნით, დასახლების საერთო კრებების და ამომრჩევლებთა ნკონსულტაციების თარიღი და დრო ადმინისტრაციული ერთეულების მიხედვით.

დმანისის მუნიციპალიტეტის თვითმმართველობის მიერ ინიცირებული "ტრანსპორტით მომსახურების 2019 წლის მუნიციპალური პროგრამა" გრძელდება!

პროგრამა გულისხმობს, როგორც დმანისიდან თბილისის მიმართულებით, ასევე თბლისიდან დმანისის მიმართულებით უფასო ტრანსპორტირებას.

უფასო ტრასპორტირების პროგრამით სარგებლობა შეეძლებათ სტუდენტებს, ვეტერნებსა და უსინათლოებს.

აღსანიშნავია, რომ აღნიშნული პროგრამით 2017 წელს, მთლიანი წლის განმავლობაში ისარგებლა დაახლოებით 467 - მა ბენეფიციარმა (მათ შორის სტუდენტი 326, ვეტერანი - 105 ; დიალეზი - 36. )

2018 წელს პროგრამაში მონაწილე ბენეფიცართა რიცხვი გაიზარდა თითქმის სამჯერ.⤵️

სტუდეტი - 1440; ვეტერანი - 200; დიალიზი - 76.

გიორგი ტატუაშვილმა სოციალურად დაუცველ ოჯახებს შობა - ახალი წელი მიულოცა

დღეს, მერიის საკონფერენციო დარბაზში, დმანისის მუნიციპალიტეტის მერმა - გიორგი ტატუაშვილმა  2018 წელი შეაჯამა და გუნდს მადლობა გადაუხადა თანამშრომლობისათვის.

„ძვირფასო მეგობრებო, მინდა მოგილოცოთ შობა - ახალი წელი, გისურვოთ წინსვლა და წარმატებები.  ვიმედოვნებ, რომ 2019 წელი ბევრად უკეთესი და წარმატებული იქნება მე მჯერა თქვენი და მეიმედებით!

აღსანიშნავია, რომ დმანისის მუნიციპალიტეტის მერმა მადლობა გადაუხადა ყველას ვინც დმანისის აღმშენებლობაში იღებს მონაწილეობას (საკრებულო, მერის წარმომადგენლები).

მეიმედებით ! - გიორგი ტატუაშვილმა მერიის თანამშრომლებს დამდეგი შობა - ახალი წელი მიულოცა

დღეს, მერიის საკონფერენციო დარბაზში, დმანისის მუნიციპალიტეტის მერმა - გიორგი ტატუაშვილმა  2018 წელი შეაჯამა და გუნდს მადლობა გადაუხადა თანამშრომლობისათვის.

„ძვირფასო მეგობრებო, მინდა მოგილოცოთ შობა - ახალი წელი, გისურვოთ წინსვლა და წარმატებები.  ვიმედოვნებ, რომ 2019 წელი ბევრად უკეთესი და წარმატებული იქნება მე მჯერა თქვენი და მეიმედებით!

აღსანიშნავია, რომ დმანისის მუნიციპალიტეტის მერმა მადლობა გადაუხადა ყველას ვინც დმანისის აღმშენებლობაში იღებს მონაწილეობას (საკრებულო, მერის წარმომადგენლები).

მიმდინარე წლის 26-28 დეკემბერს ქალაქ თბილისში გაიმართა საქართველოს თასის გათამაშება კიკბოქსინგში, სადაც მონაწილეობა მიიღეს დმანისის ა(აიპ) ომარ მუმლაძის სახელობის სპორტული სკოლის აღსაზრდელებმა.

ლერი ავალიშვილი - დმანისის ა(აიპ) ომარ მუმლაძის სახელობის სპორტული სკოლის კრივისა და კიკბოქსინგის მწვრთნელი 

- ტურნირში შემდეგი საპრიზო ადგილები დავიკავეთ: რავილ აბდურახმანოვი პირველი ადგილი. რატი ოგნაძემ, ემილ ნაბიევმა და რამილ აბდურახმანოვმა მეორე საპრიზო ადგილები დაიკავეს, ხოლო სოსო ოგნაძემ მესამე ადგილი.
სპორტსმენები დაჯილდოვდნენ მედლებით და სიგელებით ხოლო რამილ აბდურახმანოვს დამატებით გადაეცა სერთიფიკატი საუკეთესო ბრძოლისთვის.
ჩვენს სპორტსმენებს წარმატებები მიულოცეს საქართველოს კიკბოქსინგისა და ტაიბოქსინგის ეროვნული ფედერაციის პრეზიდენტმა ლაშა ჭურაძემ და მსოფლიოს ორგზის ჩემპიონმა კიკბოქსინგში დავით ქირიამ და სამახსოვრო ფოტოები გადაიღეს.
მხარდაჭერისთის მადლობას ვუხდით დმანისის ა(აიპ) ომარ მუმლაძის სპორტული სკოლას და მის დირექტორს ბ.ნ. გიორგი ოკმელაშვილს.

სათნოების სახლის ხელმძღვანელობამ ბენეფიციარებს დამდეგი შობა-ახალი წელი მიულოცა და სადღესასწაულო საჩუქრები გადასცა.

 ა(აიპ) ,,სამუსიკო სკოლამ " 2018 - 2019 სასწავლო წლის პირველი ნახევრის საანგარიშო ღონისძიება ჩაატარა
ა(აიპ) ,,სამუსიკო სკოლამ " სასწავლო წლის პირველი ნახევრის საანგარიშო ღონისძიება მიმდინარე წლის 28 დეკემბერს ა(აიპ) ,,სამუსიკო სკოლის დარბაზში ჩაატარა.
ღონისძიებას ესწრებოდნენ ადგილობრივი თვითმმართველობის წარმომადგენლები, პედაგოგები და მშობლები. შესრულდა სხვადასხვა კომპოზიტორების ნაწარმოებები. მსმენელს შესთავაზეს როიალთან შესრულებული ქართული სიმღერები.
ღონისძიებამ თბილ და მყუდრო გარემოში ჩაიარა. დასასრულს პედაგოგებმა და ბავშვებმა წინასწარ მიულოცეს ახალი წელი და კეთილი სურვილებით დაემშვიდობნენ დამსწრე საზოგადოებას.

დმანისის საბავშვო ბაღებში წინასაახალწლო ზეიმები ჩატარდა. ლამაზად მორთულ დარბაზში ერთმანეთს ცვლიდა სხვადასხვა მუსიკალური ნომერი, ცეკვა, ლექსები, მინიატურული სცენები, ზღაპირის გმირები. პატარებმა ჩვეული სიკეკლუცით აუდიტორიის მოწონება დაიმსახურეს და თოვლის ბაბუასაგან საჩუქრებიც მიიღეს. დამდეგი შობა-ახალი წელი პატარებს, პედაგოგებსა და დამსწრე საზოგადოებას მუნიციპალიტეტის ხელმძღვანელმა პირებმა მიულოცეს. საახალწლო ღონისძიებები მუნიციპალიტეტის ყველა ბაღის სტრუქტურულ ერთეულებში გაიმართება.

მიმდინარე წლის 27 დეკემბერს ქალაქ თბილისში, ძიუდოს აკადემიაში გაიმართა საქართველოს ჩემპიონატი ძიუდოში დიდებს შორის.

ტურნირში იასპარეზა დმანისელმა ბაგრატ ნინიაშვილმა, რომელმაც დაიკავა მესამე ადგილი.

აღსანიშნავია, რომ ბაგრატ ნინიაშვილი არის ევროპის და მსოფლიოს მრავალგზის პრიზიორი და ვიცეჩემპიონი, ასევე დიდებში ანტალიის გრამპრის ჩემპიონი.

31 დეკემბერს, 22:15-საათზე, დმანსიის მუნიციპალიტეტის ცენტრალურ სკვერში, მთავარი საახალწლო ღონისძიება გაიმართება. 

შეკრებილი საზოგადოების საახალწლო განწობაზე ადგილობრივი შემსრულებლები იზრუნებენ.

მოსახლეობას ახალ წელს მიულოცავს დმანისი მუნიციპალიტეტის მერი გიორგი ტატუაშვილი.

კონცერტი გრანდიოზული ფოიერვერკით დასრულდება.

•,,დავლურ-ქართული“. ხალხური საკრავების სტუდია 

•,,მრავალჟამიერ მამულო ჩემო“ . სკოლამდელი აღზრდის დაწესებულება 

•ცეკვა - ,,ქართული“ - ხალხური ცეკვის სტუდია. 

•ინტერნაციონალური ანსამბლი ,,დმანისური აისი“

•,,გილოცავთ „ 

•,,ახალი წელი“ 

•2018 წლის დმანისის გამორჩეული ადამაინების დაჯილდოვება ( სპორტსმენები) 

•ქორეოგრაფიული ანსამბლი ,,მართვე“ . ცეკვა - ,,ნაბდური“

•ფოლკლორული ანსამბლი ,,ირინოლა“ :

•,,კირია ლესა“ .

•,,ორიდილა“ 

•,,ალილო“

•საესტარდო სტუდია. სიმღერა - ,,მოწყენილი სახეები“ - ლიზი მურჯიკნელი ; სალომე დევნოზაშვილი.

•საჯარო სკოლის მედალოსნების დაჯილდოვება. 

•ფოლკლორული ანსამბლი ,,შგარიდა“ :

•,,მრავალჟამიერი“ 

•,შეხე აბრამ“

•,,საახალწლო“- სალომე სიმონიშვილი–საესტრადო სტუდია 

•ხალხური ცეკვის სტუდია -ცეკვა - ,,ნარნარი“. 

•2018 წლის დმანისის გამორჩეული ადამიანების დაჯილდოვება( ხელოვანები)

•,,პოპური“ - სამეჯლისო ცეკვის სტუდია 

•,,გილოცავთ“ - ლილია ჭიაბრიშვილი 

•ცეკვა - ,,აჭარული“- ქორეოგრაფიული ანსამბლი ,,მართვე“ 

•2018 წლის ნაბოლარა ახალშობილის დაჯილდოვება 

•საგალობლების სტუდია:

•,,ალილო“ 

•,,მრავალჟამიერი“

მიმდინარე წლის 26 დეკემბერს დმანისის საგანმანათლებლო ცენტრში საახალწლო ზეიმი და კინოჩვენება გაიმართა. კინოჩვენების შემდეგ აზერბაიჯანის რესპუბლიკის ნავთობის კომპანიის წარმომადგენლობამ დმანისის საგანმანათლებლო ცენტრის ყველა მოსწავლეს (189 მოსწავლეს) საჩუქრები გადასცა.

დმანისის საგანმანათლებლო ცენტრის ხელმძღვანელი დიანა კარალოვა მადლობას უხდის კომპანია "სოკარს" და მის წარმომადგენელს მახირ მამედოვს.

25 დეკემბერს, საქართველოს იუსტიციის მინისტრმა თეა წულუკიანმა, დმანისის მუნიციპალიტეტში საზოგადოებრივი ცენტრი გახსნა.

ღონისძიებას ღონისძიებას საქართველოს იუსტიციის მინისტრი თეა წულუკიანი, საქართველოს პრემიერ-მინისტრის მრჩეველი რეგიონული განვითარების საკითხებში, სოზარ სუბარი, ქვემო ქართლში სახელმწიფო რწმუნებული, შოთა რეხვიაშვილი, პარლამენტში დმანისისა და წალკის მაჟორიტარი დეპუტატი, კახაბერ ოქრიაშვილი, მუნიციპალიტეტის მერი, გიორგი ტატუაშვილი, ადგილობრივი თვითმაართველობის წარმომადგენლები და სხვა მოწვეული სტუმრები დაესწრნენ. 

თეა წულუკიანმა საზოგადოებრივი ცენტრი დმანისში მცხოვრებ შშმ პირის სტატუსის მქონე გიორგი დოლიაშვილთან ერთად გახსნა. მინისტრმა მას საქართველოს მოქალაქის პასპორტი მიმდინარე აქციის ფარგლებში უფასოდ გადასცა. აქცია შშმ პირებისათვის უფასო პირადობის მოწმობებზე თეა წულუკიანის ინიციატივით 10 დეკემბერს გამოცხადდა და ის 11 იანვრამდე გრძელდება.

საზოგადოებრივი ცენტრის მუშაობა მოსახლეობას საშუალებას აძლევს, საჯარო და კერძო სექტორის 200-ზე მეტი სერვისით ისარგებლოს, კერძოდ: სახელმწიფო სერვისების განვითარების სააგენტოს (მაგ., აიღოს პირადობის დამადასტურებელი საბუთი, დაარეგისტრიროს ქორწინება და ა.შ.), საქართველოს ეროვნული არქივის, საჯარო რეესტრის ეროვნული სააგენტოს და სოციალური მომსახურების სააგენტოს სერვისებით. საზოგადოებრივი ცენტრები საჯარო და კერძო სექტორის წარმატებული თანამშრომლობის საუკეთესო მაგალითია. ცენტრებში განთავსებულია კერძო კომპანიების − „მაგთიკომის“ და „ლიბერთი ბანკის“ − ფილიალები, რაც პენსიონერებს საშუალებას აძლევს, ქალაქიდან გაუსვლელად აიღონ პენსია. მოსახლეობას შეუძლია, ასევე, ცენტრებში 24-საათიანი უკაბელო უფასო ინტერნეტითა და სკაიპის ოთახით ისარგებლოს. გარდა ამისა, იუსტიციის მინისტრის გადაწყვეტილებით, ყველა ახალგახსნილ საზოგადოებრივ ცენტრში პრობაციონერებს პრობაციის ეროვნული სააგენტოს წარმომადგენელი მოემსახურება.

სახელმწიფო და კერძო სექტორის სერვისების მიღების გარდა, დმანისის მოსახლეობას საზოგადოებრივ ცენტრში შეუძლია, ისარგებლოს უახლესი ტექნიკით აღჭურვილი ბიბლიოთეკით, სადაც ელექტრონულ წიგნებთან ერთად ბეჭდური გამოცემებიცაა. ბეჭდური და ციფრული ბიბლიოთეკა, უფასო ინტერნეტი მოზარდებსა და ახალგაზრდებს საშუალებას აძლევს, სწავლების თანამედროვე მეთოდების გამოყენებით შეიძინონ ცოდნა. ინტერნეტის მეშვეობით მათ შეუძლიათ, მიიღონ მათთვის საჭირო და საინტერესო უახლესი ინფორმაცია ამა თუ იმ საკითხზე, რის შესაძლებლობასაც ისინი მანამდე მოკლებული იყვნენ.

ბიბლიოთეკაში მოწყობილია საქართველოს დამოუკიდებლობის 100 წლისთავისადმი მიძღვნილი ფოტოგამოფენა სახელწოდებით „საქართველოს პირველი დემოკრატიული რესპუბლიკა“. გამოფენაზე წარმოდგენილია საქართველოს ეროვნულ არქივში დაცული ფოტოდოკუმენტური მასალების ასლები, რომლებიც 1918-21 წლების მნიშვნელოვან მოვლენებს ასახავს. ამჟამად მთელი ქვეყნის მასშტაბით, დმანისის ცენტრის გარდა, თანამედროვე სტანდარტების 58 საზოგადოებრივი ცენტრი მოქმედებს. იუსტიციის მინისტრ თეა წულუკიანის გადაწყვეტილებით, ე.წ .საოკუპაციო ხაზის გასწვრივ შენდება საზოგადოებრივი ცენტრები, რათა ოკუპირებულ ტერიტორიებზე და მის მიმდებარე სოფლებში მცხოვრებ მოსახლეობას სახელმწიფოსთან კონტაქტი გაუადვილდეს.

დღეისათვის მთელი საქართველოს მასშტაბით ცენტრები ფუნქციონირებს 10 რეგიონის 40 მუნიციპალიტეტში.

ღონისძიების ფარგლებში, საზოგადოებრივი ცენტრის საქმიანობისა და ფუნქციების შესახებ სახალისო ვიქტორინა ჩატარდა, გახსნის ოფიციალური ნაწილის დასრულების შემდეგ კი, საზეიმო კონცერტი გაიმართა.

ნაძვის ხის ანთებამდე დმანისელებისთვის კონცერტი გამართა ა(აიპ) დმანისის კულტურისა და ხელოვნების ცენტრთან არსებულმა საგალობლებისა და საესტრადო სტუდიებმა. ნაძვის ხის ანთების შემდეგ ცეკვის კარაოკე გაიმართა. გამოვიდა სანახაობრივად ლამაზი და შთამბეჭდავი საღამო, რომელმაც ამაღლებული წინასაახალწლო განწყობა შექმნა მუნიციპალიტეტში. 

მიმდინარე წლის 20-21 დეკემბერს, ქალთა საინფორმაციო ცენტრის ორგანიზებით გაიმარტა ტრენინგი ,,გენდერული თანასწოორბის სამოქმედო გეგმის ხელშეწყობა’’, რომელშიც მონაწილეობა მიიღეს ქვემო ქართლის რეგიონის ოთხი მუნიციპალიტის: დმანისი, გარდაბანი, წალკა, რუსთავი - მერიისა და საკრებულოს წარმომადგენლებმა, მუნიციპალიტეტების გენდერული თანასწორობის სობჭოს წევრებმა და ამ საკითხებზე პასუხისმგებელმა პირებმა მერიაში.

ტრენიგნის მიზანს წარმოადგენდა, გენდერული თანასწორობის საბჭოს წევრების ცნობიერების ამაღლება სამოქმედო გეგმის ეფექტურად შესასრულებლად, გენდერული თანასწორობის, ქალთა უფლებების, ეროვნული და საერთაშორისო ვალდებულებების, გენდერული ბიუჯეტირებისა და სტატისტიკის საკითხებზე. ტრენინგი ჩატარდა ქალთა საინფორმაციო ცენტრის მიერ, გაეროს განვითარების პროგრამის (UNDP) და შვედეთის მთავრობის ხელშეწყობით, გაეროს ერთობლივი პროექტის ,, ადგილობრივ დონეზე დეცენტრალიზაციისა და კარგი მმართველობის ხელშეწყობა " ფარგლებში.

დმანისის მუნიციპალიტეტის მერიის სოციალური პროგრამის ფარგლებში მიმდინარეობს ბიო სწავავი ,,ბრიკეტით" მარტოხელა პენსიონერი პირების და უკიდურესად გაჭირვებული მოსახლეობის მომარაგება

აღნიშნული ბიო საწვავი "ბრიკეტი", ამ ეტაპისთვის 110 ბენეფიციარს გადაეცემა