Dmanisi bələdiyyəsində iştiraklı büdcələşdirmənin tətbiqinə başlanır
Bələdiyyənin büdcəsindən ayrılan pulların nəyə xərclənəcəyinə vətəndaşlar özləri qərar verə bilərlər. Bununla bağlı bu gün məlumatlandırma kampaniyası keçirilib.
Meriyanın İqtisadiyyat Xidmətinin rəhbəri Nato Samadaşvilinin qeyd etdiyi kimi, 2024-cü ildən etibarən Dmanisi Bələdiyyəsinin sakinləri öz rəylərinə və prioritetlərinə əsaslanaraq öz büdcələrini planlaşdıra biləcəklər. Birinci mərhələdə Dmanisi şəhərinin inzibati vahidinə 50 000 lari ayrılacaq. Ayrılan məbləğ əhalinin təqdim etdiyi və 2025-ci ildə həyata keçiriləcək layihələrin maliyyələşdirilməsinə sərf olunacaq.
Proqram çərçivəsində layihə ərizələrinin qəbulu avqustun 5-dən başlayıb. İdeyaların təqdim edilməsi üçün son tarix 24 avqustdur. İdeyalar Dmanisi Bələdiyyəsinin Meriyası binasında (kançelariyada) və ya elektron şəkildə aşağıdakı ünvana təqdim edilə bilər: dmanisi.mun@dmanisi.gov.ge.
