Gürcüstanın baş naziri İrakli Qaribaşvilinin qərarına əsasən, Gürcüstanın regionları üçün yeni avtobuslar alınıb. Bu gündən etibarən Kvemo Kartli, Mtsxeta-Mtianeti və Samtsxe-Cavaxeti bölgələrinin əhalisinə 51 ədəd yeni “İsuzu” avtobusu xidmət göstərəcək.

Layihə çərçivəsində 3 ədəd avtobus Dmanisi bələdiyyəsinə təhvil verilib.

Rustavi şəhərində keçirilən tədbirdə Gürcüstan hökumətinin regional əlaqələr şöbəsinin rəhbəri Leri Barnabişvili, onun müavinləri: Merab Qamkrelidze və Zviad Junashvili, Kvemo Kartli üzrə dövlət nümayəndəsi Giorgi Doxturişvili, Mçxeta-Mtianeti üzrə dövlət nümayəndəsi Davit Nozadze, Samçxe-Cavaxeti üzrə dövlət nümayəndəsi Besik Amiranaşvili, Dmanisi bələdiyyəsinin meri Koba Muradaşvili və “Jiti Group” şirkətinin nümayəndələri iştirak ediblər.

Layihə çərçivəsində respublikanın 38 bələdiyyəsinə paylanacaq 154 ədəd 8 metrlik “İsuzu” markalı avtobusların alınması nəzərdə tutulub. Avtobuslar vətəndaşların ölkə daxili və şəhərlər arası daşınmasına xidmət göstərəcək. Müasir standartlarla təchiz edilmiş avtobuslar 47 sərnişin üçün nəzərdə tutulub və fiziki məhdudiyyətli insanlar üçün uyğunlaşdırılıb.

Yeni, komfortlu, AVRO 5 standartına uyğun avtobusların alınması ilə bölgələrdə yaşayan insanların daxili nəqliyyat problemi illər boyu həllini tapacaq. Bundan əlavə, yeni iş yerləri açılacaqdır.

Yeni avtobusların alınması üçün büdcədən 53 milyon lari ayrılıb. Satınalmalar agentliyinin elan etdiyi birləşdirilmiş tenderdə qalib gələn “Jiti Group” artıq Gürcüstana 51 ədəd avtobus gətirib. Proses bu ilin sonuna kimi davam edir və avtobusların bir hissəsi 2024-cü ilin əvvəlindən tədricən ölkəyə gələcək.

Gürcüstanın baş nazirinin qərarına əsasən, avtobuslarla yanaşı, bələdiyyələr üçün 90-a qədər, 10 və 16 kubmetrə qədər “İveco” zibildaşıyan maşınlar da alınıb və Gürcüstanın bütün regionlarına (ümumilikdə 49 bələdiyyə) paylanacaq.

Mərkəzi və yerli büdcədən dəyəri 33 milyon laridən çox olan zibil maşınları alınıb.